Cylindra

Fra lokalhistoriewiki.no
Hopp til navigering Hopp til søk

Cylindra er ei møbelbedrift i Tusvik i Sykkylven kommune. Bedrifta vart etablert i 1989 som ei vidareføring av Tusvik Møbelfabrikk, etablert 1911. Cylindra har spesialisert seg på produksjon av sylinderforma skap, bord og stolar teikna av Peter Opsvik. Særleg skapa med karakteristiske namn som «Lidenskap» og «Vennskap» har fått stor merksemd.

Produksjonslokala til Cylindra er mykje besøkt av turistar og andre som vil sjå nærare på dei særeigne produkta og staden dei vert laga. Dagleg leiar ved Cylindra er Kjellbjørn Tusvik, tredje generasjon møbelprodusent i Tusvika. I fleire år hadde Cylindra sommarutsal av Cylindra-produkta i Olden og i Ålesund.