Alf Svensen Lenestolfabrikk

Alf Svensen Lenestolfabrikk var ein møbelverkstad i Sykkylven, skipa av Alf Svensen i 1934.

Alf Ingolf Svensen var ein av dei fagarbeidarane som vart henta til Sykkylven først i 1930-åra for å lære sykkylvingane møbelproduksjonens finessar. Alf Svensen tok til ved Sykkylven Kurvvarefabrikk i 1930 og var der nokre år før han i 1934 byrja med eigen lenestolfabrikk. Første åra heldt han til i kjellaren i Fønix-bygget, og under krigen var han i kjellaren i heimen sin på Grebstad. Rundt 1950 sette han opp eit fabrikkbygg i Haubukta på to og ein halv etasje. Svensen hadde to-tre tilsette.

Alf Svensen vart alvorleg sjuk midt i femtiåra, og han la ned fabrikken i 1955.

Kjelde

• Høidal, Eldar: Industrisoge for Sykkylven. Sykkylven 1990. Digital versjon på Nettbiblioteket