Hans Hansson Urdahl (1809–1873)

Fra lokalhistoriewiki.no
(Omdirigert fra «Hans Hansson Urdahl (1809-1873)»)
Hopp til navigering Hopp til søk

Hans Hansson Urdahl (fødd 25. desember 1809, død 26. desember 1873) var gardbrukar og ordførar i Luster i Sogn og Fjordane.

Urdahl voks opp på Søvde i Luster og var son av lensmann og stortingsmann Hans Arneson Urdahl (1769-1829) og Metta Torgersdotter (1779-1847) frå Bringe.

Han var berre 16 år då han 3. juni 1826 fekk skøyte på Søvde etter foreldra. Han gifte seg 17. juni 1829 med enkja Britha Jørgensdotter (ca 1803-1896) frå Vigdalen. Hans og Britha dreiv Søvde til eldste sonen Hans tok over i 1868.

Hans Urdahl var den fyrste postopnaren i Luster, og han var forlikskommisær, heradskasserar og ei tid konstituert lensmann. Han var medlem i kommunestyret i mange år og ordførar i Luster i to korte periodar 1844-45 og 1862-63.

Urdahl vart vald til fyrste vararepresentant for Nordre Bergenhus amt under stortingsvalet 1842, men vart ikkje innkalla.

Hans og Britha Urdahl fekk sju born:

  • Metta Marie Hansdotter Urdahl (1830-1905), gift med gardbrukar Ole Sjurson på Fuhr
  • Hans Hansson Urdahl (1832–1913), som tok over heimebruket
  • Jørgen Christopher Hansson Urdahl (1834-1913), ei tid landhandlar på Fagernes under Talle
  • Torkild Hansson Urdahl (1837-1885), var òg landhandlar på Fagernes under Talle
  • Ole Peder Bringe Hansson Urdahl (1841-1916), ugift, var frukthandlar
  • Arne Hansson Urdahl (1844-1915), tok lærarutdanning og flytte til Våler i Solør
  • Sophia Hansdotter Urdahl (1848-1935), gift med gardbrukar Hans Christenson på Ytreland under Hæri i Luster

Kjelder og litteratur