Mjølhaugane støl (Ustaoset)
Mjølhaugane ligg omtrent halvvegs mellom Ustaoset og Prestholt. Her inneheldt berget kvit marmor og kvarts. Stølen Mjølhaugane (Melhaugen, Mjælhaugane) høyrde opphavleg til garden Geilo i Ustedalen. Ved delinga av garden i 1772, følgde Mjølhaugen nedre nordre Geilo[1]. I 1808 selde Ola Knutson Geilo garden med stølar til verbroren Lars Olson nedre Geilo[2]. Åtte år seinare kjøpte Svein Olson Rudningen (1769-1861), Holet, stølen med bu, hamn og ved [3]. Han kjøpte på denne tida fleire stølar i området kring Ustaoset, mellom anna i Prestholt.
Restar etter ei eller fleire steinbuer og steingardar ligg i dag (2012) på ein voll noko vest for Mjølhaugane. Truleg var det her stølen låg.
Fotnotar
Kjelder
Reinton, Lars og Sigurd: Folk og fortid i Hol. I kommisjon hos Grøndahl, 1938-1982. bind 3 og 7.