Ørskog kommune
| Ørskog kommune | |
|---|---|
| |
| Basisdata | |
| Kommunenummer | 1523 |
| Fylke | Møre og Romsdal |
| Kommunesenter | Sjøholt |
| Areal i km²(2020) | 132,36 km² |
| Folketall 2020 | 2267 (2018) |
| Opphørte | 2020 |
| Nå del av | Ålesund kommune |
| Målform | Nynorsk |
Ørskog kommune på Sunnmøre i Møre og Romsdal låg på nordsida av Storfjorden og grensa mot Vestnes, Stordal, Skodje og Sykkylven kommune. Grendene Ramstaddalen, Søvikdalen og Furstranda vart overførde frå Ørskog til Sykkylven i 1955. Ørskog kommunestyre vedtok 24. november 2016 å slutte seg til Skodje, Sandøy og Ålesund og byggje ein ny kommune, «Nye Ålesund». Seinare kom også Haram med. Dette skjedde i samband med Solberg-regjeringa si kommunereform. Ørskog vart 1. januar 2020 innlemma i Ålesund kommune.
Administrasjonssenteret låg på Sjøholt. Dei større bygdene i tidlegare Ørskog kommune er Vågsvika og Vestre. Kommunen hadde berre ei kyrkje, Ørskog kyrkje på Sjøholt.
Europaveg 39 går gjennom Ørskog, frå Ålesund i vest, gjennom Sjøholt, mot nordaust over Ørskogfjellet til Vestnes kommune. Frå Vågsvik (Vaksvik) går det mot nord ein grusveg over fjellet, ned Kjersemdalen til Tresfjorden i Vestnes kommune. Denne vegen er smal og vinterstengt.
Rasmus Ingebrigtsson (ca. 1595–ca. 1666) på Myklebust, også kalla «Store-Rasmus», var bondeopprørar og frå Ørskog.