Astrid Brekken (f. 1943)

Astrid Brekken (fødd 24. april 1943) er journalist og programleiar i NRK. Ho er utdanna som sosiolog, og driv òg som sauebonde på Lesja.

Ho er cand.mag. frå Universitetet i Oslo, og tok hovudfag i sosiologi ved New York University 1969–1971. Seinare har ho òg studert spansk og litteratur i New York. I tida 1963–1968 var ho i arbeid ved fleire av NRK sine distriktskontor. Etter ei pause for å studere vart ho så i 1971 tilsett i Opplysningsavdelinga og P2 sin faktaavdeling. Bland program ho har leia er Sånn er livet, WOK og På livet laus.

Brekken har lang fartstid i kvinnerørsla og målrørsla. I 1970 var ho med på å skipe Nyfeministene, og ho har vore nestleiar i Norsk Kvinnesaksforening og medlem i rådet for Kvinneuniversitetet. Ho var med på å skipe bladet Sirene og var aktiv der frå 1973 til 1978. Frå 1980 til 1989 var ho redaktør i Syn og Segn. Ho har òg hatt faste spalter i Norsk Landbruk og Bonde og småbrukar

Mellom utmerkingar ho har fått kan nemnast Kringkastingsprisen (1991), Nynorsk journalistpris (2010) og Storegutprisen (2011).

Litteratur og kjelder