Aure kyrkje
Hopp til navigering
Hopp til søk
Aure kyrkje er ei korskyrkje av tre som vart innvigd i 1727. Kyrkja, som ligg på ei lita høgd nede ved Aursundet i Aure sentrum i Aure kommune på Nordmøre, er soknekyrkje for Aure sokn og hovudkyrkje for Aure prestegjeld i Ytre Nordmøre prosti av Møre bispedømme. Føre Møre bispedømme vart oppretta hørte prestegjeldet til Nidaros bispedømme. Kyrkja vart ramma av brann i 1924, men vart istandsett att og noko ombygd. Den noverande Aure kyrkje er oppført på same staden som den gamle Sankta Maria-kyrkja i Aure stod — ei stavkyrkje frå mellomalderen som vart riven i 1726. Aure prestegard ligg rett ovom kyrkja.