Samtale:Volin (gård i Oslo)

Fra lokalhistoriewiki.no
Hopp til navigering Hopp til søk
Den utskrivbare versjonen støttes ikke lenger eller har rendringsfeil. Oppdater eventuelle bokmerker i nettleseren din og bruk nettleserens standard utskriftsfunksjon i stedet.

Kongens gavebrev til kannikene ved Mariakirken i 1300

DN 1 nr 92. Utdrag:

"Hæfir fyrst tuft þæirra fra horneno a lofte varo i gras gardenom [bakken bak Kongsgården ned mot Alna] oc strengret upp til kirkiu gardsens, þo med þæim hætti, at ver hafem gong or lofteno fram i gard þæirra þegar oss likar. En sidan vidkazst tuftirnar or utsudrs horne kirkiunnar strengret fra kirkiugardenom ut i marbackan oc after upp med anne i hornet fyrsagds lofz. Sva þo at veger gange firi utan hus þæirra oc gard er ver letom sættia vm husen atta alna bræidr strengret upp med Æika bærk vid þan gard er ver gafom herra Azure. Sva oc hafum ver lagt til gardz þæirra tuftir þær sem ver hafdum gefet herra Bærna oc herra Sæbirni er nu hafa loglega undir oss fallet sakir þess at þæir hafdu æigi husat innan þess tima er ver hafdum sætt þæim. Gefom ver þæim þetta frælsi i fyrsagdum tuftum at þæir skulu vera lidugir af læidangre oc allum tollom skattum oc skulldum ævenlega utan þægngilldi oc alæigumal. Skal sa læikmaðr er ver skipum til eda varir æftirkomander æftir þæirra bonastad af konongdomsens halfu skylldugir vera at ræfsa svæinum þæirra oc þionostumannum þæim sem huærsdaglega ero à þæirra koste huart sem þæir briota utan gardz eda innan utan i konongs garde skipi eda navist. Sva oc ef vtan gardz menn þæir sem þæim h/oe/yra æigi til gera til sækta á fyrsagdum tuftum þa skulu þæir hafa allan konongdomsens ret æftir þvi sem fyr sægir vtan þvi at æins at þat værdi i vare navist. þar med hafum ver gefet þæim ævenlega mylnu þa med lyckiunni er ver hafdum væit herra Amunda logmanne oc Birni syni hans mædan oss likade, oc þann lutan i siarbudum er Agmundr gryfla atte."

Hentet fra «https://lokalhistoriewiki.no/index.php?title=Samtale:Volin_(gård_i_Oslo)&oldid=720531»