Eidsborg
Eidsborg er ei grend i Tokke kommune i Telemark. Grenda ligg ved Riksveg 45 mellom Høydalsmo og Dalen.
Eidsborg er særleg kjend for Eidsborg stavkyrkje som ligg fint til midt i bygda. Frå Eidsborg dreiv ein også med utvinning av brynestein. Heilt sidan 700-talet var brynesteinsbrotet i Eidsborg ei viktig inntektskjelde for bøndene i bygda, og brynesteinen reknast ofte som den eldste eksportartikkelen i norsk historie.
Vest-Telemark Museum sitt hovudkontor ligg i Eidsborg.