Fiksdal kyrkje

Fiksdal kyrkje er ei langkyrkje i Fiksdal i Vestnes kommune i Møre og Romsdal fylke. Kyrkja er frå 1866 og bygd i gotisk stil Ho er bygd i treverk (tømmer) av byggmeister Gjert Lien, Nordfjord. Arkitekt var Jacob Wilhelm Nordan. Ho blei restauret i 1966 til 100-årsminne. Restaureringa vart leia av konservator Ola Seter. Kyrkja har 200 sitjeplassar. Det er kyrkjegard ved kyrkja.

Altartavla frå 1716 og preikestolen frå 1718 kom opprinneleg frå kapellet ved Reknes hospital i Molde. I 1960 fekk kyrkja nytt pipeorgel. Tidlegare stod det eit eldre orgel i kyrkja frå 1923 .