Finnøy kommune
| Finnøy | |
|---|---|
| |
| Basisdata | |
| Kommunenummer | 1141 |
| Fylke | Rogaland |
| Kommunesenter | Judaberg |
| Areal | 104.53 km² |
| Areal land | 102.9 km² |
| Areal vann | 1.63 km² |
| Folketall | ukjent kode (2023) |
| Sammenslåing(er) | 1965 |
| Nettside | Nettside |
Finnøy kommune er ein kommune i Rogaland. Han grensar til Tysvær kommune, Bokn kommune, Rennesøy kommune, Strand kommune, Hjelmeland kommune og Suldal kommune, alle i Rogaland. Finnøy er ein øykommune, og desse grensene er hovudsakleg sjøgrenser. Unntaket er ein del av grensa til Hjelmeland, som kryssar øya Ombo. Einaste tettstaden i kommunen er kommunesenteret Judaberg, med 581 innbyggjarar per 1. januar 2012.
Finnøy kommune vart oppretta etter formannskaplovene av 1838, og hadde uendra grenser fram til det store kommunesamanslåingsåret 1965. Dette året vart nemleg Finnøy kommune slege saman med Sjernarøy kommune, samt den delen av Ombo som tilhøyrde Jelsa kommune og nokre øyar frå Fister kommune. Suldal kommune fekk då resten av Jelsa kommune, medan hovuddelen av Fister kommune gjekk til Hjelmeland kommune.
Gardane Hesby på Finnøy og Gard på Søndre Talgje var i mellomalderen sete for mektige lendmannsætter, og kommunevåpenet er henta frå stamvåpenet til Hesbyætta, og viser ei sølvpil med vingar på blå bakgrunn. Namnet «Finnøy» kjem truleg av mannsnamnet Finni.
Kjelder
- «Finnøy» i Store Norske Leksikon.
- Statistisk sentralbyrå: Tettsteder. Folkemengde og areal, etter kommune. 1. januar 2012.
- Digitalarkivet: Oversikt over endringer i kommuneinndelinga i perioden 1837 til 1960
|
