Gulating lagmannsrett

Gulating lagmannsrett kort tid før bygget stod ferdig. Ein snipp av Bergen rådhus er synleg til venstre i biletet.

Foto: Trond Nygård (2011).

Bygninga kort tid før ho var ferdig.

Foto: Trond Nygård (2011).

Gulating lagmannsrett er ein av de seks lagmannsrettane, og dekker Rogaland, Hordaland, Sogn og Fjordane samt Sirdal kommune i Vest-Agder. Namnet kjem frå Gulatinget, tingstaden i Gulatingslagen, som var området der Gulatingslova var gjeldande rett i gamal tid.

Domstolen har sete i Bergen. Fram til 2011 hadde den lokalar i Bergen tinghus, men det året flytta den inn i nybygde lokalar på Gulatings plass 1 rett ved Bergen rådhus. Mange rettsmøte blir haldne i Stavanger, der lagmannsretten har faste lokalar i Stavanger tinghus.

Etter både talet på sakar og domarar – det er 33 av dei i 2018 – er Gulating den nest største av lagmannsrettane, etter Borgarting lagmannsrett i Oslo.

Tingrettane som har Gulating som ankedomstol er:

• Bergen tingrett.
• Dalane tingrett.
• Fjordane tingrett.
• Hardanger tingrett.
• Jæren tingrett.
• Sogn tingrett.
• Stavanger tingrett.
• Sunnhordland tingrett.

Litteratur og kjelder

• Gulating lagmannsrett på Wikipedia på bokmål og riksmål.
• Gulating lagmannsrett i Store norske leksikon.