Gustav Indrebø: Forskjell mellom sideversjoner

Fra lokalhistoriewiki.no
Hopp til navigering Hopp til søk
m (red. av intern link)
m (innleiing)
Linje 1: Linje 1:
'''[[Gustav Indrebø|Gustav Ludvig Indrebø]]''' ([[1889]]-[[1942]]) var ein filolog, historikar og lærar, som var fødd i [[Samnanger]] i [[Hordaland]]. Han arbeidde mykje med norrøn filologi, eldre norsk historie og stadnamn. Norsk språkhistorie var også eit viktig arbeidsfelt for Indrebø. Han var elles svært aktiv innanfor målrørsla, som talsmann for den tradisjonelle høgnorsklinja (det nynorske skriftmålet som [[Ivar Aasen]] utarbeidde; Aasen-normalen). Gustav Indrebø var bror til biskop [[Ragnvald Indrebø]] ([[1891]]-[[1984]]).
'''[[Gustav Indrebø|Gustav Ludvig Indrebø]]''' ([[1889]]-[[1942]]) var ein filolog, historikar og lærar, som var fødd i [[Samnanger]] i [[Hordaland]]. Han arbeidde mykje med norrøn filologi, eldre norsk historie og stadnamn. Norsk språkhistorie var også eit viktig arbeidsfelt for Indrebø. Han var elles svært aktiv innanfor målrørsla, som talsmann for den tradisjonelle høgnorsklinja (det opprinnelege nynorske skriftmålet som [[Ivar Aasen]] utarbeidde; Aasen-normalen). Gustav Indrebø var bror til biskop [[Ragnvald Indrebø]] ([[1891]]-[[1984]]).


== Barneår i Indre Sunnfjord ==
== Barneår i Indre Sunnfjord ==

Sideversjonen fra 16. okt. 2013 kl. 16:23

Gustav Ludvig Indrebø (1889-1942) var ein filolog, historikar og lærar, som var fødd i Samnanger i Hordaland. Han arbeidde mykje med norrøn filologi, eldre norsk historie og stadnamn. Norsk språkhistorie var også eit viktig arbeidsfelt for Indrebø. Han var elles svært aktiv innanfor målrørsla, som talsmann for den tradisjonelle høgnorsklinja (det opprinnelege nynorske skriftmålet som Ivar Aasen utarbeidde; Aasen-normalen). Gustav Indrebø var bror til biskop Ragnvald Indrebø (1891-1984).

Barneår i Indre Sunnfjord

Gustav Indrebø fekk dei fleste av barneåra sine i Indre Sunnfjord, der foreldra hans var frå. Faren Ludvig J. Indrebø fekk arbeid som lærar i Jølster og Gaular i 1892, og familien var difor busette i dette området fram til 1901. Gustav Indrebø rekna Jølster som si eigentlege heimbygd.

Studium og arbeid

Indrebø tok lærareksamen i 1910, og praktiserte som lærar fram til 1913. Då starta han på filologistudiet ved det som då heitte Universitetet i Kristiania. I 1917 vart han cand.philol. med historie som hovudfag. Han hadde elles tysk og norsk som sidefag.

1917 var Indrebø tilsett som amanuensis ved Riksarkivet, ei stilling han hadde fram til 1921 (1919-1920 hadde han eit studieopphald på ni månader i København og Berlin). I 1921 vart det oppretta eit nytt dosentur i norrøn filologi ved Universitetet i Kristiania, som Indrebø vart tilsett i. Same år byrja han også som styrar for Norsk Stadnamnarkiv. I 1930 vart Gustav Indrebø professor i vestnorsk målføregransking ved Bergens museum, denne stillinga hadde han til han døydde.

Norsk Målsoga

Hovudverket til Indrebø må vel seiast å vera Norsk Målsoga. Det var arbeidet med denne boka som opptok Indrebø den siste tida han levde. Han fekk ikkje fullført arbeidet, så boka vart utgjeve posthumt i 1951. I boka skildrar Indrebø utviklinga i norsk språk frå gammalnorsk til og med Ivar Aasen. I 2001 kom det ei 2. utgåve av boka. Her er det teke med eit nytt kapittel: "Målbrigdingar (1525 til notidi)". Dette er basert på ein kladd som vart funnen av dottera til Indrebø, Inger Indrebø Eidissen, i 1990.

Bibelomsetjinga av 1938 og Nynorsk salmebok

I åra 1917-1921 var Gustav Indrebø filologisk redaktør for den nynorske bibelomsetjinga av 1938. Broren Ragnvald var også sentral i arbeidet med omsetjinga, og denne bibelutgåva har fått kallenamnet "Indrebø-Bibelen".

Gustav Indrebø var også oppteken av å få utgjeve ei nynorsk salmebok, det skjedde i 1925.

Verv i målrørsla

Gustav Indrebø hadde fleire verv innanfor målrørsla: Leiar for Studentmållaget i Oslo (1917), formann i Det norske Samlaget (1923-1929), styremedlem i Noregs Mållag (1928-1942), formann i Noregs Mållag (1929-1931), styremedlem i Vestmannalaget (1931), formann i Vestmannalaget (1937-1942), redaktør for Norsk Årbok (1931-1939).

Sjå også

Nettutgåve av Bibelen 1938

Kjelder