Høibøvegen (Bø i Telemark)
Høibøvegen i Bø i Midt-Telemark kommune går vestover frå Prestevegen på Langkåshaugen og endar blindt ved nr. 84. Han er om lag 870 meter lang og er utan fast dekke.
Vegen har namn etter garden Høibø (gnr. 53/4) og blei namnsett i 1967.
Eigedomar
| Nr. | Om eigedomen | |
|---|---|---|
| 2 | Gnr. 53/103, «El-stad» Utskild frå bnr. 2, Østbø, i 1963. Torleiv H. Elvestad kjøpte tomta og sette opp huset. | |
| 8 | Gnr. 53/79, «Uneberg» Eigedomen ligg nedunder Høibøberget og blei skild frå Høibø, bnr. 4, i 1954. Lars Jysereig kjøpte tomta og sette opp huset i 1955. | |
| 9, 11 | Gnr. 53/2, «Østbø» Den fyrste eigaren var Olav J. Stadskleiv som kjøpte garden i 1889. Stadskleiv var kasserar i Bø Sparebank frå 1888. Hus på Østbø blei truleg sett opp i 1891, og da fekk banken lokale der i to rom. Her heldt banken til fram til han blei flytt til Gunvorskås i 1913. Olav Stadskleiv var gift med Helge Hansdtr. Askilt. Den fyrste telefonsentralen og biblioteket var òg på Østbø, og det var Helge som hadde med det å gjere. | |
| 10 | Gnr. 53/4, «Høibø» Utskild frå prestegarden, bnr. 1, i 1889. | |
| 26 | Gnr. 53/5, «Lahus» Det nåverande Lahus skriv seg frå delinga av prestegarden i 1889. | |
| 55 | Gnr. 53/133, «Fjellstad» Tomta, som ligg i austkanten av Hegnaberget, blei skild frå bnr. 28 og 29, Hegna, i 1976. Ho blei kjøpt av møbelhandlar Einar Kaasa som sette opp huset. | |
| 63 | Gnr. 53/251 | |
| 65A/B | Gnr. 53/280 | |
| 68 | Gnr. 53/24, «Fedratun» | |
| 70 | Gnr. 53/94, «Astadberg» Tomta, som ligg på Gurinebergja, blei skild fråbnr. 31 i 1960. Veterinær og politiker Johannes Østtveit (1927–2013) kjøpte tomta og bygde huset i 1961–1962. I 1977 selde han bustaden til Eiliv og Anne Grete Berg Astad. Samtidig blei namnet på eigedomen endra frå «Synjeberg» til «Astadberg». | |
| 71 | Gnr. 53/108, «Bergtun» Utskild frå bnr. 31 i 1964. Skøyte frå Olav G. Lahus til lektor Olav G. Sandnes (1923–2015) i 1965. | |
| 75 | Gnr. 53/206 | |
| 76 | Gnr. 53/98, «Fredbo» Utskild frå bnr. 31 i 1962 og kjøpt av banksjef i Telemarksbanken i Bø, Odd Edgar Isaksen (1920–2000), som sette opp huset i 1963. | |
| 77 | Gnr. 53/106, «Elsero» Utskild fra bnr. 31, Presteskogen, i 1964. Lektor Sverre Sten Eide (1913–2009) kjøpte tomta og bygde huset. Eigar frå 1999, sonen Tore Eide. | |
| 78 | Gnr. 53/100, «Frittun» Utskild frå bnr. 31 i 1962. Skjøte frå Olav G. Lahus 1962 til Edith Precht Isaksen. | |
| 79 | Gnr. 53/31/2, Festetomt under Presteskogen | |
| 82 | Gnr. 53/102, «Bergtun» Utskild frå bnr. 31, Presteskogen, i 1963. Lærar Torvald Høydal (1914–2004) kjøpte tomta og sette opp huset. Eigar frå 2004, kona Eldbjørg Annfrid Tollnes Høydal. | |
| 83 | Gnr. 53/99, «Knausen» Utskild frå bnr. 31, Presteskogen, i 1963. Lektor Lars Holmås kjøpte tomta og bygde huset same året. | |
| 84 | Gnr. 53/31/1, Festetomt under Presteskogen | |
| 85 | Gnr. 53/107, «Siristua» Direktør ved Telemark distriktshøgskole, Asmund Brenden, kjøpte tomta i 1973 og bygde huset i 1976. |
Sjå også
Kjelder
- Norgeskart: Høibøvegen
- Henneseid, Stian: Bøsoga II, Gards- og ættesoga band I. Bø kommune 1982.
- Kartverket, Se eiendom: Høibøvegen
- Arkivverket, gammel grunnbok