Hundorp
Hopp til navigering
Hopp til søk
Hundorp er ein tettstad og administrasjonssenteret i Sør-Fron kommune i Gudbrandsdalen. Det var 569 innbyggjarar der i 2018.
Namnet er henta frå garden som no er mest kjend som Dale-Gudbrands gard, etter han som Gudbrandsdalen har fått namn etter. Den var seinare sorenskrivargard og husa Gudbrandsdalens folkehøgskule, og i dag er det hotell og utstillingslokale der.
Sør-Fron kyrkje frå 1792 står på Hundorp. Det er fleire gravhaugar i området, og det er bautaer til minne om Olav den heilage, Dale-Gudbrand og Håkon Toresfostre. På Sør-Fron kyrkjegard merker ein seg særleg bautaen over Rasmus og Lise Stauri, styrarar ved Gudbrandsdal folkehøgskule.
Hundorp stasjon mista persontrafikken i 2001. Næraste stasjon med persontrafikk er Ringebu.
Litteratur og kjelder
- Hundorp i Store norske leksikon.