Jørund Midttun

Jørund Midttun (fødd 1887 i Kvinnherad, død 1969 i Skien) var forstmann. Foreldra var lærar Jørgen Midttun (1855–1938) og Marta f. Øvrehus (1847–1920). Han gifta seg i 1915 med Anne Sollid (1891-1982), dotter av lærar Ambros Torgrimsen Sollid (1854-1919) og kona Gunhild Sveinungsdatter Sollid (1854-1933) frå Heddal.

Liv og virke

Midttun tok eksamen ved Kongsberg skogskole i 1909 og ved Norges Landbrukshøgskole, skogbrukavdelinga i 1913. Frå 1914 var han forstmann i Telemark, fylkesskogsjef frå 1953, med bustad i Skien. Frå 1932 var han sekretær for "Overoppsynet med skogvernet i Telemark". Han ga ut "kubikkmetertabell for tømmer etter lengde og midtmål, kubikkmetertabellar og borkprosenttabellar for skog på rot m. v." i 1926.

Midttun var i perioden 1914-1923 styremedlem for Agder krets av Norsk Forstmannsforening og i perioden 1928 til 1938 medlem av bystyret i Skien.

I 1958 vart han tildelt Kongens Fortjenstmedalje i gull.

Arkiv

Fotosamlinga etter Jørund Midttun er ivareteken ved Norsk Skogmuseum i Elverum. Arkivet hans elles er ordna i Statsarkivet i Kongsberg. Lenke til oppføring på arkivportalen.

Kilder

• Norske forstkandidater 1853–1953. 1954.
• Første versjon av artikkelen er henta fra Preus museums register over norske fotografer.
• Jørund Midttun på Digitalt museum.
• Jørund Midttun på KulturNav
• Skjema Norsk Skogbruksmuseum 25.02.1998
• Arkivportalen