John Andersson Haugen

John Andersson Haugen (fødd 27. mars 1819, død 22. juli 1889) var frå garden Haugen i Krundalen i Jostedalen. Han var son til Anders Andersson Haugen frå Haugen og Mari Johnsdotter (1790-1844) frå Nedrelid.

John gifte seg i 1845 med Anna Marie Larsdotter (1819-1901) frå Kreken. Dei var fyrst innerstfolk på Baggetun under Haugen før John 4. juni 1855 fekk skøyte på Flatejordsøyane (Haugen, bnr. 2) som var utskild frå Haugen i 1853. Tunet låg den gongen saman med tunet til hovudbruket på Haugen. John vart buande her levetida ut medan Anna Marie utvandra til Amerika i 1893 og budde dei siste leveåra hjå sønene sine der.

Som far sin var John Haugen sentral i bygdestyringa i Jostedalen i ei årrekkje, mellom anna som formannskapsmedlem.

John og Anna Marie fekk i alt fem born, og fire av dei voks opp.

Litteratur

• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 759 og 776. (Digital utgåve, NBdigital)