Jon Olsen Mogrinden

Fra lokalhistoriewiki.no
Sideversjon per 27. feb. 2014 kl. 15:16 av Kallrustad (samtale | bidrag) (lenke til fotografen, F1 (litt snau for F2))
Hopp til navigering Hopp til søk
Det noverande huset i Grinda. Husa var nok enklare da Jó Gri’nn voks opp på plassen
Foto: Olve Utne

Jon Olsen Mogrinden (17941853), mest kjent som Jó Gri’nn, var ein spelemann og skreddar frå Kvenna (oftast skrive «Kvanne») i Stangvik i noverande Surnadal kommuneNordmøre. Han var kjent som ein av dei fremste spelemennene på Nordmøre i si tid.

Jon Olsen Mogrinden vart fødd utanfor ekteskap i 1794 av mora Mali Jonsdatter, som var frå husmannsplassen Grinda eller Mogrinda på Kvenna. Etter kyrkjeboka var faren ein soldat med namn Ole Olsen fra Nordvik.[1] Jon kom i skreddarlære etter at han var konfirmert, og han lærte òg å spela tyskfele. Jó Gri’nn var ein svært stødig spelemann med uvanleg mjuk og fin tone, og han vart stundom samanlikna med storspelemenn som Gottfried Hans Fabian von Eppingen frå Sunndalen og Loms-Jakup.

Sist i 1820-åra byksla Jó plassen Gråva på Kvennalandet. Der vart sonen Ola Kvande fødd i 1834. Ola kom til å bli ein habil spelemann og vart kjent under namnet «Gråvinn»

Jó Gri’nn dødde i 1853 og vart gravlagt i ei umerkt grav ved Stangvik kyrkje.

Kjelder

  • Halse, Leif: Spelemenn på Nordmøre. Trondheim (Nordmøre Spelemannslag / Rune Forlag), 1973. ISBN 8252300227


Referanser