Kristen Andersson Ormbergstøl

Mal:Thumb høyre Mal:Thumb høyreKristen Andersson Ormbergstøl (fødd 10. mars 1861 på Ormbergstølen i Jostedalen, død same stad 23. mars 1931) var gardbrukar og ordførar i Jostedalen (1897-1904). Han var son av Torborg Larsdotter (fødd ca. 1829) og Anders Christiansson Ormbergstøl (1829-1917). Faren hadde og vore ordførar. Kristen brukte heimegarden Ormbergstølen frå 1882, men fekk ikkje skøyte før i 1912.

Kristen gifte seg 1882 med Johanne Kristiansdotter (1863-1954) frå Espe. Dei fekk 13 born. To av dei, Torborg og Kristian, flytta til Toten. Torborg og mannen Edvard Leirdal kjøpte den eine halvparten av garden Skattum på Toten, medan Kristian og kona Gunnhild kjøpte den andre. Kristen skal ha vore glad i å farte, så han var ofte over fjellet hos ungane på Toten.

Kjelder og litteratur

• Folketeljinga i 1865 for Jostedalen
• Folketeljinga i 1900 for Jostedalen
• Folketeljinga i 1910 for Jostedalen
• Muntlege opplysningar frå Ole Edvard Leirdal, 13. april 2011.
• Øyane, Lars E.: Jostedal sokn. Gards- og ættesoge for Luster kommune (bd. 5), Luster kommune 1994, s. 90-91.