Kristen Andersson Ormbergstøl

Fra lokalhistoriewiki.no
Sideversjon per 19. apr. 2011 kl. 07:07 av Oddloho (samtale | bidrag) (Ordførarboks)
Hopp til navigering Hopp til søk

Mal:Thumb høyre Mal:Thumb høyreKristen Andersson Ormbergstøl (fødd 10. mars 1861 på Ormbergstølen i Jostedalen, død same stad 23. mars 1931) var gardbrukar og ordførar i Jostedalen (1897-1904). Han var son av Torborg Larsdotter (fødd ca. 1829) og Anders Christenson Ormbergstøl (1829-1917). Faren hadde og vore ordførar, seinast 1883-96, så Kristen tok på nesten dynastisk vis over vervet!

Kristen brukte heimegarden Ormbergstølen frå 1882, men fekk ikkje skøyte før i 1912. I eit minneord over han heitte det at Kristen "hev dyrka upp garden sin til mellom dei fremste i bygdi".

I same minneordet går det og fram at han hadde ei mengd politiske verv i Jostedalen, "nytta i mest alt komunalt arbeid ein kunde leggja paa ein mand i ei bygd." Forutan ordførar var han formann i fattigstyret, og medlem av skulestyret var opplysningsmannen Ormbergstøl i omkring 40 år.

Kristen gifte seg 1882 med Johanne Kristiansdotter (1863-1954) frå Espe. Dei fekk 13 born. To av dei, Torborg og Kristian, flytta til Toten. Torborg og mannen Edvard Leirdal kjøpte den eine halvparten av garden Skattum, medan Kristian og kona Gunnhild kjøpte den andre. Kristen skal ha vore glad i å farte, så han var ofte over fjellet hos ungane på Toten.

Kjelder og litteratur


Forgjengar:
 Anders Christenson Ormbergstøl 
Ordførarar i Jostedal kommune
Etterfølgjar:
 L. R. Faaberg