Martin Ervik
Martin Sigvald Ervik (fødd 13. september 1879 i Volda, daud 7. juli 1952) var lærar.
Han tok heile utdanninga si i heimbygda, med lågare lærarprøve i 1900, høgre lærarprøve i 1902 og mellomskule i 1906. Så byrja han å lesa til eksamen artium, som han tok på Hauges Minde i 1908. Han tok ikkje meir på universitetet enn førebuande prøver i 1909–1910.
Ervik hadde korte periodar som lærar og tidvis klokkar i Brønnøy, Herøy (1902–1906), Volda og Eftedal før han vart tilsett i Brandbu i 1910. Han styrte Brandbu middelskole frå 1911 til 1922, og var til slutt adjunkt ved Gjøvik høyere skole frå 1922 til 1949.
Ervik vart gift med Borghild Kinge frå Brandbu. Dei fekk tre døtre og ein son, og budde i Tordenskjolds gate 18. Ved sida av jobben var han leiar i Den Nordiske Kristne Buddhistmisjon i mjøsbyen. Han døydde i 1952 og er gravlagd på Gjøvik kirkegård.
Kilder og litteratur
- Martin Andreasen Ervik i folketelling 1900 for Volda herred fra Digitalarkivet
- Martin Ervik i Adressebok for Gjøvik by 1942 fra Digitalarkivet
- Martin Ervik i Historisk befolkningsregister.
- Studentene fra 1908: biografiske opplysninger samlet til 50-års jubileet 1958, s. 42
- Rabben, Bjarne (1973). Bind 2 av Herøyboka. Bygdesoga, s. 510
- Dehli, Martin (1981). Fra borgerskole til videregående skole: Gjøvik høyere skole gjennom 100 år, s. 77, 140
- Sigstad, Einar (1986). Gjøvik i tekst og bilder: fra kjøpstad til storkommune, s. 91
- DIS-Norge gravminnedatabase