Mathilde Berendsen Nathan
Mathilde Berendsen Nathan (f. 20. juni 1857 i København, d. 22. februar 1926 i Italia)) var ein pianist og komponist av dansk-jødisk bakgrunn.
Oppvekst og familie
Mathilde Berendsen vart fødd den 20. juni 1857 i København i Danmark som det femte av i alt åtte born av Esther, f. Ballin (1823–1905) og målarmeister Joachim Berendsen. Mora, Esther f. Ballin, vart i sin tur fødd i Vejle i 1823 åt Hanne, f. Peiser (1800–1862) og Joseph Joel (Yuzpa Yoel) Ballin (1789–1839). Mathildes morbror var den kjente dansk-jødiske grafikaren Joel Ballin (1822–1885).
I 1884 gifta ho seg med John Nathan, son av Nathan Nachmann Nathan. John Nathan var klesgrosserar av yrke. Etter at far hans døydde på jom kippur i 1897 og fram til 1903 var han forstandar for Det mosaiske Trossamfund i Kristiania.
Mathilde og John fikk tre born:
- Mary Nathan (f. 13. juni 1885 i Kristiania, d. 2. mai 1970 i Oslo)
- Einar Nathan (f. 23. desember 1886 i Kristiania, d. ca. 1. januar 1943 i Auschwitz)
- Sigurd Nathan (f. 1891 i Kristiania, d. 1961)
Musikken
Mathilde Berendsen Nathan studerte piano hos Edmund Neupert ved Det Kongelige Danske Musikkonservatorium i København og fikk etterkvart reisestipend for vidare studiar i Paris. Ho heldt konsertar både i København og Paris, og etterkvart òg i Brødrene Hals sin konsertsal i Kristiania. Etter påtrykk av mannen trappa ho ned konsertverksamheita og konsentrerte seg meir om komposisjon for klaver.
Politikken
Dei siste åra
Mathilde og John reiste til USA i 1920, og etterkvart busette dei seg i Italia, der Mathilde døydde den 22. februar 1926.
Kjelder
- «Mathilde Berendsen Nathan» på Wikipedia på bokmål og riksmål
- Singer, Isidore; Nathensen, L.: «Ballin, Joel» på Jewishencyclopedia.com
- «Esther Berendsen» - namnesøk på MyHeritage.com