Mjeldalen

(Eg arbeider med denne artikkelen ei tid framover) Mjeldalen ligg på vestsida av innlandsøya Osterøy i Hordaland fylke, ned mot tettstaden Haus, eller Hausvik, og Sørfjorden. Ein kjem til Mjeldalen ved å følgje E16 til Osterøyvegen over Osterøybrua til Kvisti, omlag 7 minutt med bil frå Arna, eller 15 minutt frå Vågsbotn. Forbi rasteplassen køyrer vi gjennom Tirsåstunellen til skilting mot Haus. No er vi i Ambogen, som er eit startpunkt for turen ned Mjeldalen til Hausvik. Vi tek ein stopp her, og får eit oversyn. Det er ein typisk U-dal, som geologiske krefter har grave ut for lenge sidan. Isen har forma dalen, og her er tre ulike morene-terrasser. Namnet Mjelde kjem av mjele, fin morenesand (Ivar Aasen ordbok 1873/4.utgåve 1919) . Busetnaden går attende til dei eldste tider. Funn av ein flintsigd frå steinalderen tyder på at det har vore dyrka korn i dalen for omlag 4000 år sidan. Tidleg må garden Mjelde ha vorte delt i tre terrassar; Mjelde øvre, - midtre og -nedre, og dei var samla rundt kvart sitt tun (Øvstemjedla, Midtmjedla og Nedstemjedla).