Mons H. Takle

Fra lokalhistoriewiki.no
Revisjon per 20. mai 2018 kl. 08:44 av PaulVIF (Samtale | bidrag)
(diff) ← Eldre revisjon | Nåværende revisjon (diff) | Nyere revisjon → (diff)
Hopp til navigering Hopp til søk
Mor og son, Brita og Mons H. Takle.
Foto: Norland, Bergen.

Mons H. Takle (fødd 7. mars 1877 i Brekke, død 18. juli 1958 i Askøy) var lærar og kyrkjesongar. Han var son av gardbrukar Hans Monsson Takle og Brita Monsdotter og bror til læraren Magnus Takle.

Mons Takle tok lærareksamen på Stord lærarskule i 1898 og var lærar i Jostedalen frå 1899 til 1903. Deretter var han lærar i Lindås fram til 1917, i framhaldsskulen i tre år og andrelærar ved Nordhordland fylkesskule i eitt år. Frå 1919 var han lærar og kyrkjesongar i Brekke.

Engasjementet for målsaka kom til syne alt som tillitsvald («bokutlånar») i elevmållaget ved Stord lærarskule. I tida som lærar i Jostedalen var han med på det fyrste vedtaket om å tillata lærebøker på nynorsk i skulen (1901). Han var truleg forfattaren bak eit avisinnlegg om saka same året.[1] (Sjå Språkskiftet til nynorsk i Jostedalen.) I to år (kring 1917-19) var han skrivar og ferdatalar i Vestlandske mållag.

Attåt målrørsla var han mykje med i ungdoms- og fråhaldsarbeid. Han var skulestyreformann i Lindås i mange år og ordførar i Brekke 1920-1922, 1926-1928 og 1932-1934.[2] Han var òg styremedlem i fylkeslaget til Venstre.

Han var gift med Elida f. Toft (1891-1971). Dei ligg båe gravlagde på Askøy.[3]

Notar

  1. Fyrste vedtak om nynorsk i skulen (1901) (Jostedal historielag)
  2. Ordførarar i Gulen kommune (Fylkesleksikon, NRK Sogn og Fjordane)
  3. Gravminner i Norge (DIS Norge)

Kjelder og litteratur

Eksterne lenkjer