Odden gjestgiveri

Fra lokalhistoriewiki.no
Hopp til navigering Hopp til søk
Den utskrivbare versjonen støttes ikke lenger eller har rendringsfeil. Oppdater eventuelle bokmerker i nettleseren din og bruk nettleserens standard utskriftsfunksjon i stedet.

Odden gjestgiveri opna i 1880-åra. Gjestgiveriet er også kjent under namnet Odden hotel. Overnattingsstaden låg på Sigurdsrud ved øvste enden av Tinnsjø, 22 km frå Rjukan i Tinn kommune. Staden var ei hamn for båtane på innsjøen, og her fanst også rutebilsamband til Rjukan, Kongsberg og Kalhovde.

Gjestgiveriet heldt til i to tømra hus, Nordistogu og Suistogu. I 1950 kunne ein tilby fire gjesterom med tilsaman sju sengeplassar, i tillegg til spisestove og peisstove. Ein hadde også rett til å selje øl. Gjestgiveriet heldt ope frå 15. juni til 1. september.[1] Talet på besøkande avtok i etterkrigstida då transportmidlane og reisevanane endra seg.

Arkiv

Arkivet etter Odden gjestgiveri er ordna ved Norsk Industriarbeidermuseum. Sjå oppføringarkivportalen.

Kjelder

  • Sætherskar, Johs. (red.), Det Norske Næringsliv 4, Telemark Fylkesleksikon, Bergen, 1949.
  • Oppføring på arkivportalen.

Referansar

  1. Sætherskar, 1949, s. 921