Pål Torsson Harildstad

Pål Torsson Harildstad (født 23. desember 1764, død 15. januar 1843) var omgangsskulelærar, fanejunkar, gardbrukar og eidsvollsmann. Han var født på Harildstad i Heidalen og var av Taulstad- og Bratt-ætta. Ein kapellan i Vågå prestegjeld, Henrik Garbo, såg at Pål hadde gode evner og tok han med seg til Holla (telemark) i Telemark da han vart sokneprest der. Pål vart konfirmert i Holla og var omgangsskulelærar der i fire år før han flytte heimatt.

Pål vart kalla inn til militærteneste og vart underoffiser. Han var med på den såkalla tyttebærkrigen i 1788, og gifta seg i 1792 med Rønnaug Larsdtr. frå Nedre Øy i Vågå. Dei kjøpte garden Åmot ved Sjoa.

Pål vart kommandersersjant i 1807 og vart kalla ut i krigen mot Sverige 1808–1809. I 1808 vart han fanejunker og var med i Toverudslaget. Etter det vart han dannebrogsmann.

I 1814 vart han vald til å møte på Eidsvoll av Opplandske Regiment, der han støtta sjølvstyrepartiet.

Litteratur

• Utan forfattar 1964: Eidsvollsmennene frå Gudbrandsdalen 1814. Paal Tordsson Harildstad frå Heidal. Årbok for Gudbrandsdalen s. 3-5.