Rauland Dansarring

Fra lokalhistoriewiki.no
Hopp til navigering Hopp til søk
Den utskrivbare versjonen støttes ikke lenger eller har rendringsfeil. Oppdater eventuelle bokmerker i nettleseren din og bruk nettleserens standard utskriftsfunksjon i stedet.

Rauland Dansarring vart skipa i 1976 med Marit Vaagen (Lilleland) som leiar. Dansarringen heldt til på Rauland i Vinje kommune.

Historikk

Opptakten til dansarringen på Rauland kom etter at Torkild Mandt (1917-1992) frå Skafså kom til Rauland og heldt eit par kurs i 1974 og 1975. Etter dette samla fleire av deltakarane seg til øvingar ei gong i blandt. Det var Marit Vaagen som organiserte desse øvingane, og då dansarringen formelt vart stifta, var det ho som blei valt til leiar.

Aktiviteten gjekk i bylgjer, og tilbod om turar var noko som fekk aktiviteten til å auke. I 1977 reiste laget til Setesdal, i 1984 til Færøyane, i 1985 til Danmark, i 1988 til USA, og i 1993 til Nordkapp og Honningsvåg i samband med Nordkappfestivalen.[1] I 1994 hadde laget 52 medlemar.[2]

Då lagdans vart ei øving på Landskappleiken i 1988 deltok dansarringen frå Rauland i denne fleire år på rad. Dei hausta mange 1. premiar, og vart fleire gonger det beste laget frå Telemark. I 1994 var det Rauland Dansarring som saman med Vinje Dansarring, Vinje Spilemannslag og Spelemannslaget Falkeriset arrangerte Landskappleiken på Rauland.[3]

Rauland Dansarring har hatt fleire spelemenn. I byrjinga var det Arne Øygarden som spelte fast, seinare Audun Nordheim.[4]

Leiarar i Rauland Dansarring

  • Marit Vaagen (1976)
  • Johan Vaa (1977-1978)
  • Martha Myrvang
  • Eva Kostveit
  • Augund Nesheim
  • Haldor Myrvang
  • Jan Vidar Holte
  • Ingrid Skjøtskift
  • Berit Myhre-Nilssen
  • Esther Sonja Bergene (1994)

Arkiv

Arkivet etter Rauland Dansarring er ordna ved Lokalhistorisk arkiv i Vinje.

Kjelder

  • Vaa, Johan (red.), Fjøllmanngjenta: folk og musikk i Vest-Telemark, Rauland, 1994.
  • Bjørkum, Andreas, Myhren, Magne og Aasland, Bjørn (red.), Folkemusikk og folkemusikkutøvarar i Noreg 2, Oslo, 1996.

Eksterne lenker

Referansar

  1. Vaa, 1994, s. 149
  2. Bjørkum, 1996, s. 69.
  3. Bjørkum, 1996, 69.
  4. Vaa, 1994, s. 150.