Sykkylven kommune
| Sykkylven kommune | |
|---|---|
| |
| Basisdata | |
| Kommunenummer | 1528 |
| Fylke | Møre og Romsdal |
| Kommunesenter | Sykkylven |
| Areal | 337.67 km² |
| Areal land | 328.82 km² |
| Areal vann | 8.85 km² |
| Folketall | 7 630 (2023) |
| Målform | nynorsk |
| Nettside | Nettside |
Sykkylven kommune er ein av kommunane på Sunnmøre i Møre og Romsdal. Kommunen ligg på sørsida av Storfjorden og grensar mot Ørsta, Norddal og Stordal kommunar i Møre og Romsdal. I sør grensar kommunen til Hornindal og Stryn kommune i Sogn og Fjordane. Nord for Storfjorden grensar Sykkylven til Ørskog, Skodje og Ålesund kommunar.
Administrasjonssenteret ligg på Sykkylven, som også inkluderar bygdene/gardane Aure, Ørsneset, Grepstad og Vik. tilsaman er det vel 4000 innbyggjarar i tettstaden Sykkylven. Dei to andre tettstadane er Ikornnes med 825 innbyggjarar og Straumgjerdet (Straumgjerde) med 482 innbyggjarar. Dei større bygdene er Velledalen, Hundeidvika og Ramstaddalen . Kommunen har to kyrkjer, Sykkylven kyrkje og Ikornnes kapell.
Hovednæringa er industri, hovedsakeleg møbelindustri. De mest kjente fabrikkene er Ekornes, Hjellegjerde og Brunstad.
Arkeologiske funn under leiing av fylkesarkeolog i Møre og Romsdal, Bjørn Ringstad, viser at der har vore fast busetnad på tettstaden Aure sidan 800 år før Kristus.
Riksvei 60 går gjennom kommunen, frå Ørsneset i nord, gjennom kommunesenteret, mot sør til Stranda kommune.
Kommunehistorikk
I 1883 vart Ørskog kommune delt, og Sykkylven vart oppretta som eigen kommune. I 1955 vart også bygdene Ramstaddalen og Søvikdalen tilført frå Ørskog.
Nokre personar frå Sykkylven
- Henrik Straumsheim,(1893–1975), diktar
- Rolf Sagen, forfattar
- Jostein Fet, litteraturforskar og fagbokforfattar
- Arnold Weiberg-Aurdal, fødd 1925, tidl. stortingsrepresentant, ordførar og forfattar
- Nicolay Grevstad (1851–1940), norsk-amerikansk jurist, pressemann, politikar og diplomat