Tøgeplassen (Jostedalen)

Fra lokalhistoriewiki.no
Hopp til navigering Hopp til søk

Tøgeplassen var ein husmannsplass under garden Li (bnr. 1) i Mjølverdalen i Jostedalen, Luster kommune. Plassen låg rett vest for gardstunet på hovudbruket.

Tøger Larsson Kilen (1834-1936) frå Horpen i Fåberg hadde i 1867 gått i gang med å rydde plassen. Men alt 6. februar 1868 vart plassen teken av eit stort snøskred. Kyrkjeboka fortel at dei to borna hans, Lars Tøgersen (4 år) og Ole Tøgersen (7 månader), denne dagen var “Omkomne i en Sneeskred”[1] Etter ein munnleg tradisjon vart dei to smågutane drepne då pipa datt ned over dei.[2]

Tøger Larsson og kona hans flytte til Vigdalen i Luster etter ulukka, og Tøgeplassen vart aldri teken i bruk att.

Notar

  1. Snøskred i Li 1868 (Jostedal historielag)
  2. Øyane 1994, s. 682

Litteratur

  • Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 682. (Digital utgåve, NBdigital)

Mal:Infoboks gardsbruk

Mal:Koordinater