Tysvær Historielag

Fra lokalhistoriewiki.no
Sideversjon per 13. okt. 2013 kl. 21:16 av Dagsil (samtale | bidrag) (Ny side: '''Tysvær Historielag''' Tysvær historielag vart skipa i 1988. Logoen er knytta til utvandringa til Amerika. Som vi veit segla ”Restaurationen” frå Stavanger 4. juli 1825 med 52...)
(diff) ← Eldre sideversjon | Nåværende sideversjon (diff) | Nyere sideversjon → (diff)
Hopp til navigering Hopp til søk

Tysvær Historielag

Tysvær historielag vart skipa i 1988. Logoen er knytta til utvandringa til Amerika. Som vi veit segla ”Restaurationen” frå Stavanger 4. juli 1825 med 52 menneske om bord. Mest halvparten av dei var frå Tysvær. Cleng Peerson hadde førebudd reisa og stod og tok i mot dei i New York. - Tysvær er utvandringskommunen ! Frå 1866 til 1900 utvandra 627 frå Tysvær og 928 frå Nedstrand kommunar.

”Føremålet til laget er å fremja interessa for slekts- og lokalhistorie ved å samla inn og ta vare på historie og tradisjonar som kan fortelja ettertida om dei vilkår folk i Tysvær og tilstøytande bygdelag har levd under gjennom tidene. For å nå dette målet skal laget samla inn skriftleg og munnleg materiale, bilete, tradisjonar og minneoppgåver, stadnamn og ord som er eller har vore i dagleg bruk i lokalsamfunnet.” Dette er § 2 i vedtektene for Tysvær historielag. Denne paragrafen er grunnlaget for arbeidet vårt.

Her kjem eit utval av det laget har arbeidd med dei siste åra - pluss aktuelle prosjekt: • Artikkelserie i Tysvær bygdeblad i samband med hundreårsjublileet i 2005. Artiklane er samla i eit eige nummer. • Gustav Skorpe sitt skrift: ”Saker frå Rettsapparatet, 1650 til 1675 frå nærområdet til Tysvær kommune.”kom ut i 2007. • Oppspora, henta heim og restaurerte ”Tysvær-fana” som blei sendt over til utvandra Tysvær-buar i 1927. Fana blei gitt til ordførar Harald Stakkestad 17. mai 2009 og er no vel oppbevart i ein glasmonter ved ”Reisen til Amerika” i Tysværtunet. • Laget var arrangør av ein vellykka studietur i ”I Cleng Peersons fotspor” i september 2009. Styret planlegg same turen i 2015. Då er det 190 år sidan «Restauration» forlet Noreg i 1825. • Boka ”Matkultur i Tysvær. Kvardag og fest, før og no” vart den store bok-julegåva i Tysvær i 2009 ! Vi selde over 800 bøker frå boklansering i ”bLEST-veka” i november til årsskiftet ! • Boka om Hans Rønnevik, utvandra Tysværbu, farmar og forfattar- kom i november 2010. • Kvar Midtsommarfest har vi ei samling på Hesthammar gamle skule + historiske vandringar. • Hausten 2011 startar arbeidet med å digitalisera biletarkivet vi har overteke frå Tysvær Bygdeblad i eit samarbeid med kulturkontoret.