Veum Handelslag

Veum Handelslag før 1950.

Foto: Ukjend / Sætherskar, Johs. (red.), Det Norske Næringsliv 4, Telemark Fylkesleksikon, Bergen, 1949.

Veum Handelslag vart starta som ein filial under Fyresdal Handelslag i 1871. Forretninga låg på Veum i Fyresdal kommune.

Historikk

Veum Handelslag starta opp som ein filial under Fyresdal Handelslag i 1871. I 1899 var laget skilt ut og fekk namnet Veum Forbruksforening. Ivar Tveiten var den drivande krafta, og var også den fyrste formannen i laget. Elles bestod det fyrste styret av Gjermund Veum, Olav Hærstad, Torleif Veum og Olav Kvasfjord. Handelslaget hadde ein filial i Hauggrend, men denne gjekk inn i 1935.

I 1902 bygde forbruksforeninga nytt forretningsbygg på Veum og flytta inn året etter. Her fanst det også eige bakeri som var i drift i mange år. Torjus Nøra var den fyrste bakaren. Elles omsatte forretninga assorterte landhandelvarer og hadde mykje turisthandel i sesongen.

Bestyrarar

• Ivar Tveiten, 1899 - ??
• Hans Austad, 1917 - 1945
• John A. Dale, 1946 - ??

Veum med Veum Handelslag mitt i bilete.

Foto: Ukjend / "Fyresdal" skannet side nr. 23. nb.no
Nasjonalbiblioteket

Arkiv

Arkivet etter Veum Handelslag blir oppbevart ved Fyresdal bibliotek. Sjå lista over privatarkiv frå biblioteka i Telemark for meir informasjon.

Kjelder

• Sætherskar, Johs. (red.), Det Norske Næringsliv 4, Telemark Fylkesleksikon, Bergen, 1949.