Vikedal kommune

Vikedal kommune i Rogaland vart oppretta i samband med innføringa av det kommunale sjølvstyret i 1837. I 1923 vart sokna Imsland og Sandeid skilt ut som eigne kommunar. I Store Norske Leksikon heter det at «Vikedal kommune var i perioden 1923-1964 identisk med Vikedal sokn, og bestod av geografisk atskilte områder på alle de fire nesene rundt den korsformede Vindafjorden ».

Området på Nedstrandshalvøya vart ved den store kommunesamanslåinga i 1965 overført til Tysvær, medan resten av Vikedal vart ein del av storkommunen Vindafjord. Også delar av Imsland, Vats og Skjold i tillegg til heile Sandeid vart innlemma i Vindafjord.

Kjelder

• Juvkam, Dag: Historisk oversikt over endringer i kommune- og fylkesinndelingen, Statistisk sentralbyrå, Oslo 1999.
• «Vikedal – tidligere kommune» i Store norske leksikon