Visegruppa Skuggsjå

Fra lokalhistoriewiki.no
Hopp til navigering Hopp til søk

Visegruppa Skuggsjå vart starta i 1979 av Kolbjørn Botten frå Valsøyfjord i Halsa kommune. Songane til gruppa, som hadde medlemmer frå Halsa, Surnadal og Rindal kommunar, var i stor grad baserte på gamal historie og segner frå Nordmøre. Bandet gav ut to LP-plater og heldt ein god del konsertar, før det vart oppløyst ein gong i 1980-åra.

Medlemmer

Desse var med i Skuggsjå, for kortare eller lengre tid: Kolbjørn Botten: song, Gerd Foros: song, Ole Johan Botten: bass, Eistein Bæverfjord: trekkspel, Bernt Bøe: blokkfløyte, Solveig Johansson Grytbakk: fløyte, Jostein Dønnem: gitar og Karstein Svendsli: fiolin.

Platene

I 1981 gav Skuggsjå ut si første LP-plate: På gamle tufter. Denne plata vart innspela i Viking Studio A/S i Øksendal i Sunndal kommune. Den andre plata kom i 1983, og hadde tittelen Skuggsjå. Innspelinga av denne plata vart gjort i Nidaros Lydstudio AS i Trondheim.

Songane og musikken

Visene som Skuggsjå bruka var forfatta av lokale diktarar frå Nordmøre, til dømes Hans Hyldbakk og Jørgen A. Gravvold, begge frå Surnadal kommune. Blant songane deira kan nemnast «Sigrid og Knut», «Finnguten», «Svarraberje» og «Olaf og spikar’n». Dei fleste av melodiane vart komponerte av Kolbjørn Botten.

Kjelder