Olav Vesaas (f. 1935)

Olav Vesaas

Foto: Store norske leksikon/Jarle Vines (2007)

Olav Vesaas (fødd 21. desember 1935, Vinje i Telemark), er journalist og forfattar. Som fast tilsett programmedarbeidar i NRK i 1968–1998 laga Vesaas særleg mange program om litteratur, og i omlag tjue år frå 1974 laga han Språkrøret saman med Finn-Erik Vinje. I tillegg til sitt journalistiske virke i NRK la Vesaas ned mykje arbeid i dokumentasjon av samtidslyrikarar for NRKs historiske arkiv. Vesaas var forlagssjef i Det Norske Samlaget i 1978–1980.

Han har mellom anna skrive biografiane Løynde land – ei bok om Tarjei Vesaas (1995), A. O. Vinje – ein tankens hermann (2001) og Å vera i livet – ei bok om Halldis Moren Vesaas (2007). Han har og redigert fleire samlingar med tekstar av foreldra sine, Tarjei Vesaas og Halldis Moren Vesaas.

Kjelder

• Grepstad, Ottar: Olav Vesaas i Store norske leksikon. snl.no. vitja 26. september 2025.

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!