Wikien har fått sin artikkel nummer 30 000! Gratulerer til Andreas Nordenstjerne som nådde denne milepælen med artikkelen om Engelke Godefroid de Løwenstierne.

Skodje kommune

Fra lokalhistoriewiki.no
(Omdirigert fra Skodje)
Gå til: navigasjon, søk
Skodje kommune
1529 Skodje komm.png
Basisdata
Kommunenummer 1529
Fylke Møre og Romsdal
Kommunesenter Skodje
Areal 120.29  km²
Areal land 111.03  km²
Areal vann 9.26  km²
Folketall 4 253 (2012)
Målform nynorsk
Nettside Nettside

Skodje kommune eller Skøye er ein av kommunane på Sunnmøre i Møre og Romsdal. Kommunen ligg på nordsida av Storfjorden og grensar mot komunane Haram, Ålesund, Ørskog og Sykkylven. Administrasjonssenteret ligg i Skodje.

Dei større grendene er Engeset, Stette, Valle og Brusdal. I sør grensar kommunen mot Storfjorden. Engsetdalsvatnet og Brusdalsvatnet er større vatn. Det er berre ei kyrkje i Skodje kommune, Skodje kyrkje.

Skodjebruane er to eldre veibruer ved Straumen. Gamle Skodjestraumen bru er Noregs største hvelvbru bygd i stein. Bygginga av bruane byrja i 1911, og dei sto ferdige i 1919. Vegen blei ikkje opna før i 1922. Skodjestraumen bru som blei bygd i 2004 erstatta dei to gamle bruane, som samtidig bli stengt for biltrafikk.

Kommunehistorikk

Skodje kommune har hatt fleir endringar når det gjeld kommunegrensane, og har i periodar vært samanslått med sine nabokommunar.

  • Frå 1837 var Skodje ein del av Borgund formannskapsdistrikt, men blei etablert som eigen kommune ved frådelinga i 1849. Den nyoppretta kommunen hadde 2 170 innbyggjarar.
  • Skodje og Vatne (truleg tilsvarande Vatne kommune) låg i 1589 under Borgund prestegjeld, heilt til dei blei eige prestegjeld frå 1. mai 1858 etter kongeleg resulsjon av 12. januar 1858.
  • 1. januar 1902 blei Skodje delt og Vatne etablert som eigen kommune med 1 547 innbyggjarar. Skodje hadde 1 551 innbyggjarar etter delinga.
  • 1. januar 1916 blei ein liten del av Skodje, med 14 innbyggjarar, overført til Borgund kommune.
  • 1. januar 1965 blei Skodje slått saman med Stordal og Ørskog til den nye storkommunen Ørskog kommune. Skodje hadde 2 047 innbyggjarar då han opphøyrde som eigen kommune.
  • 1. januar 1977 blei Ørskog kommune delt i tre: Skodje, Stordal og Ørskog kommunar. Då Skodje gjenoppstod som sjølvstendig kommune, var innbyggjartalet 2 634.

Ekserne lenkjer