Bli med på dugnaden med å koordinatfeste artikler og bilder på Lokalhistoriewiki!

Volda kyrkje

Fra lokalhistoriewiki.no
Gå til: navigasjon, søk
Voldskyrkja 1950-52
Foto: Johan J. Nerbøvik

Volda kyrkje eller Voldskyrkja som ho blir kalla, er ei krosskyrkje i tettstaden Volda i Volda kommune i Møre og Romsdal fylke. Kyrkja har 800 sitjeplassar. Det er kyrkjegard ved kyrkja.

Natta til 7. april 1929 brann den trekyrkja som stod her før ned. Arbeidet med planlegging av ny kyrkje kom fort i gang, med Arnstein Arneberg som arkitekt. Han laga fleire utkast, men det vart strid om ho skulle byggast i tre eller stein. I april 1930 bestemte soknemøtet at det skulle vere stein. Konstruksjonen er i betong med upussa gråstein som ytterkledning.

Kunstmålaren Hugo Lous Mohr, som hadde budd fleire år i Volda, planla saman med Arneberg utsmykkinga av den nye kyrkja. Austveggen i koret - altarveggen - utgjer sjølve altartavla. Den er måla på fersk puss med den oppstadne Kristus som hovudmotiv og scener frå Jesu liv på sidene, og vart avduka før jul i 1932. Koret, langveggane og tverrbjelkane er òg rikt utsmykka.

Arbeidet med tomta tok til i juni 1930 og allereie i desember same året var råbygget ferdig. Innreiingsarbeidet gjekk føre seg i 1931 fram til kyrkja vart vigsla 1. mai 1932.

Takkebrev frå Arnstein Arneberg til Volda kyrkjelyd datert 24. januar 1933.

Kyrkja har ei stor kyrkjeklokke på rundt 1100 kg frå Olsen Nauen klokkestøperi i Tønsberg, levert til åpninga. Klokka vart gitt namnet "Fred".

Den eldste kyrkja i Volda stod like ved tunet på Halkjelsvik, og det er sjølvsagt ein av grunnane til at Volda voks fram som eit bygdesentrum.

Galleri

Kilder og referanser

  • Aftenposten 25. april 1929
  • Ekroll, Øystein 2012: Sunnmørskyrkjene – historie, kunst og aktitektur. Bla AS, Larsnes, s. 221ff.

Eksterne lenker

Koordinater: 62.145713° N 6.067446° Ø

Personlige verktøy
Navnerom

Varianter
Handlinger
Avdelinger
Forsider
Verktøy