Selbjørn

Øya Selbjørn i Austevoll.

Selbjørn er den nest største øya i Austevoll kommune. På austsida ligg Bekkjarviksund, der Selbjørnsbrua går over til Huftarøy. På vestsida ligg Stolmasund der Stolmabrua går over til Stolmen. Selbjørnsfjorden ligg på sørsida av øya, med Fitjar og Fitjarøyane på andre sida.

Fram til 1964 hørte sørøstsida av Selbjørn til Fitjar kommune, medan nordsida var ein del av Austevoll.

Om

Namn

Dei lærde meiner at Selbjørn kanskje er eit tabunamn, og at det har med dyrenamnet bjørn å gjera. Når fiskarane var ute på havet, skulle dei ikkje nemna visse dyrenamn, t.d. katt. Dei sa då klodyret, eller dei nytta ei omskriving - Salens bjørn, sidan katten høyrde til i salen eller stova. Dersom Selbjørnsøya den tid heitte noko med katt, så skulle dei ikkje seia namnet, men få meininga si fram på onnor vis. Noko rett tyding kan ein truleg ikkje koma fram til her, det er mykje uvisst korleis namnet er laga.

Gamle namneformer: Salbjorn, Søldbiøninn (1567) & Sælbiørn (1723).
Uttale: Sælbjødn

Gardar

Navn	Gnr
Nordre Drivenes	1
Store Drivenes	2
Fagerbakke	3
Eikholmen	4
Kalvenes	5
Veivågen	6
Noven	8
Indre Rabben	9
Ytre Rabben	10
Djupevåg	11
Tøkje	12
Salthella	13
Søre Drivenes	66(8)
Bekkjarvik	67(9)
Sætre	68(10)
Grasdal	69(11)
Gauksheim	70(12)

Tal i parantes: gardsnummer før 1964 (Fitjar).

Historie

1800-talet

1890

• Møte om felles skulehus mellom krinsane Gauksheim og Drivenes. Dei vart enig om å gløyma tanken pga den "lange og besværlige vei at gaa for smaa börn".

1900-talet

1901

• Gauksheim skule vart bygd for krinsane Vikestøl, Sætre, Båtevik, Grasdal og Gauksheim.

1905

• det vart løyvd midlar til 7910 meter veg frå Salthella til Drivenes.

1910

• vart det gjeve løyve til bygging av veg frå Austevoll si grense til Bekkjarvik.

1959

• Gauksheim skule vart nedlagt.

1980

• Selbjørnsbrua vart opna og Selbjørn vart knytt saman med Huftarøy.

Kjelder

• Tufteland, Johan (red.): Austevoll gard og ætt I. Møkster sokn. Austevoll sokn. Utgjevar: Austevoll herad. 1978.
• Tufteland, Johan (red.): Austevoll gard og ætt III. Tidlegare Bekkjarvik Kapellsokn. Austevoll sogenemnd. Utgjevar: Austevoll kommune. 1991.