Vinstra (tettstad)

Vinstra er ein tettstad og administrasjonssenter i Nord-Fron kommune i Gudbrandsdalen. I 2013 vedtok kommunestyret bystatus for Vinstra.

Vinstra har blitt ein handels- og servicestad for den midtre delen av Gudbrandsdalen. Det er også ein del industri der, mellom anna betong- og sementfabrikk, treindustri og mølle.

Sagnfiguren Per Gynt er sterkt knytta til Vinstra. Det er eit årleg Peer Gynt-stemne der, og på Sødorp gamle kyrkjegard står ein minnestein over Peder Olsen Hågå som av ein del vert sett som den verkelege Per Gynt. På garden hans, Hågå eller Peer Gyntgården, står det femten gamle hus.

Kjelder

• Vinstra - tettsted
• Faktaark fra Kartverket