Joel Jacob Hirsch (1866–1943)
Joel Jacob Hirsch (f. 20. mai 1866 i Łomża; d. 3. mars 1943 i Auschwitz), òg kjent som Jacob Hirsch (Jakob Hirsch), var ein litauisk-fødd, norsk-jødisk handelsmann og ḥazzán (kantor) som arbeidde i Det mosaiske trossamfunn, Trondheim og i det jødiske samfunnet i Kristiansund. Han vart drepen av nazistane under andre verdskrigen den 3. mars 1943, 76 år gammal.
Joel Jacob Hirsch vart fødd i Łomża i det nordaustlege Polen søndag den 20. mai 1866 åt foreldra Sara Scheina og Leib Hirsch (d. 1902). Han gifta seg med Frida Dublinsky (f. 16. juni 1868 i Szczucin (Stutzin) i Gubernia łomżyńska i Polen). Han kom til Norge i 1891, og resten av familien kom etter i 1894. Jacob og Sara Scheina fikk åtte born:
- (Ethel) Ida Hirsch (f. 6. oktober 1885, Szczucin)
- Filip (Fillip) Hirsch (f. 28. august 1887, Szczucin)
- Elisabeth Hirsch (f. 11. oktober 1895, Trondhjem)
- Rolff (Rolf) Hirsch (f. 30. juli 1897, Trondhjem)
- Marie Hirsch (f. 18. september 1900, Levanger)
- Ester Hirsch (f. 26. mai 1905, Trondhjem)
- Rikka Hirsch (f. 26. september 1907, Trondhjem)
- Benjamin Leib Hirsch (f. 15. oktober 1910, Trondhjem)
I folketeljinga 1900 er familien oppført med bustad i Østersunds gt. 2 i Trondhjem. Kring denne tida dreiv Jacob som kjøpmann både i Trondhjem og på Levanger, og dottera Marie er oppført med fødestad Levanger i folketeljinga 1910 (men Trondhjem i 1900-teljinga). Truleg utpå året i 1900 flytta foreldra hans Jacob, Sara Scheina og Leib Hirsch, til Trondhjem, men Leib døydde berre 58 år gammal i 1902, og Sara Scheina flytta da tilbake til Russland. Yngste sonen av Jacob og Frida, Benjamin Leib (f. 1910), vart oppkalla etter den avlidne bestefaren etter asjkenazisk skikk.
Kjelder
- Jacob Hirsch, Østersunds gt. 2, Trondhjem i folketeljinga 1900
- Jakob Hirsch, Indherredsveien 1b, Trondhjem i folketeljinga 1910
- Våre falne : 1939-1945, Grøndahl, Oslo 1950, bd. 2, s. 316 Digital versjon på Nettbiblioteket.
- Mendelsohn, Oskar: Jødenes historie i Norge gjennom 300 år, b. 1. Oslo (Universitetsforlaget), 1969. Digital versjon på Nettbiblioteket.