Emdals Transport: Forskjell mellom sideversjoner

I 2008 vart selskapet seld til Nor-Cargo, som gjekk inn i Posten sitt distribusjonsselskap, Bring. Emdals hadde på dette tidspunktet 50 bilar og eit distribusjonsnettverk frå Namsos i nord til Kristiansand i sør. Leiinga i Nor-Cargo forsikra at selskapet skulle drivast vidare som før. Det med nye eigarar gjekk det ikkje mange år før drifta i Straumgjerde vart lagt ned og flytta til Bring sitt anlegg ved Digernesskiftet i Skodje kommune. Etter ei tid flytte transportverksemda VD Transport inn i dei ledige lokala i Straumgjerde. Emdalfamilien dreiv selskapet Thermotank vidare i dei same lokala.

I 1993 fekk Håkon Emdal Innsatsprisen av Sykkylven Næringsutvikling. Om bakgrunnen for tildelinga nemnde juryen at Håkon Emdal hadde bygd opp firmaet sitt frå grunnen til å bli ein av landets største møbeltransportørar.