Espe (Jostedalen)

Espe (Luster, gnr. 200) er ein matrikkelgard i Jostedalen, Luster kommune. Garden er den nørdste i Krekagrendi på austsida av Jostedøla. Han grensar i sør mot Kreken og i nord mot Elvekrok.

Espe vart råka av eit snøskred kring 2. februar 1768 som tok livet av kona og yngste sonen på garden, øydela 14 gardshus og tok livet av det meste av buskapen på garden. Tunet vart bygt opp att på same staden.

Espe er den garden i Jostedalen som har fått den grundigaste gardssoga (Espe 2000).

Personar frå Espe

• Torstein Espe (ca 1595-1665), lensmann og gardbrukar
• Lars Knutson Espe (ca 1648-1725), kyrkjeombodsmann og gardbrukar
• Halvor Larsson Espe (ca 1692-1756), kyrkjeombodsmann og gardbrukar
• Erik Larsson Espe (1772-1845), gardbrukar

Litteratur

• Laberg, Jon. (1944). Jostedal. Ei stutt utgreiding um bygdi og folket der. Tidsskrift utgitt av Historielaget for Sogn (nr. 11), 5-85. (Digital utgåve, Jostedal historielag)
• Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 686-716. (Digital utgåve, NBdigital)
• Espe, Alfred. (2000). Espe grendi. Luster - lokalhistorisk årbok (nr. 4), 37-106.
• «Espe», Gardsleksikon, Fylkesarkivet i Sogn og Fjordane