Herøy museumsbåtlag

Gamle båtar ved Herøy gard i 2009.

Foto: Arnfinn Kjelland

Herøy museumsbåtlag er eitt av to kystlag i Herøy kommune, og arbeider som museumslag med ansvar for båtane til Herøy kystmuseum og miljøet kring dei. Laget er lokallag i Forbundet KYSTEN. Vårt mål er å arbeide for å ta vare på og bruke tradisjonelle opne trebåtar og utvikle museet til eit aktivitetssenter for bruk av slike båtar.

Det totale miljøet kring båtane står sentralt, t.d. naustmiljø, sjøbuda, reiskap, fiske, handverk, ord og uttrykk m.m. Samarbeide med lokale museum, foreiningar og skular om aktuelle kulturverntiltak. Samarbeide med Forbundet KYSTEN sitt landsstyre/arbeidsutvalg og sekretariat når det er naturleg og nødvendig.

Herøy museumsbåtlag har registrert båten Abraham i Tradisjonsbåtregisteret.