Ingeborg Håkensen Lindholm

Mal:Thumb høyre Ingeborg Håkensen Lindholm (fødd 17. desember 1899 i Jostedalen, død 8. juni 1989 i Østre Toten) var dotter av Jetmund Olsen (1875-1960) og Sigrid Nilsdotter Ormberg (1866-1948). Då Ingeborg vaks opp, budde familien som innerstar hjå besteforeldra på garden Ormberg i Jostedalen.

Ho flytta i mellomkrigsåra til Nordlia på Toten, der kjenningar frå Jostedalen alt hadde slege seg ned. Ingeborg var ein fjern slektning av Torborg Leirdal på garden Skattum, og det er sannsynleg at denne kontakten medverka til at ho fekk arbeid som budeie på garden Stor-Nøkleberg.

Ingeborg gifta seg i 1941 med Hans Håkensen (1893-1993) frå Nordlia. Ekteparet, som fekk sonen Håkon, budde i huset Linnholm (Lindholm) nedanfor Nøkleberg. Hans arbeidde mellom anna som bygningssnekkar.

Kjelder og litteratur

• Folketeljinga 1900 for Jostedalen
• Folketeljinga 1910 for Jostedalen
• Opplysningar frå Ole Edvard Leirdal, 29. august 2012.
• Øyane, Lars E.: Gards- og ættesoge for Luster kommune. Band V- Jostedal sokn, Luster kommune 1994, s. 109-110.