Kilegrend skule
Kilegrend skulehus er bygd 1950. Nedlagd som skule 1997 og er i 2011 grendehus.
Det gamle skulehuset ved Bjørnesund brann natt til 22. oktober 1945. Det var to salar nede, berre den eine vart nytta til skule. Den andre vart bruka av diverse organisasjonar og det hadde vore fest denne kvelden. Fram til ein kunne ta i bruk nytt skulehus vart bedehuset nytta. Planlegging av ny skule starta i 1946, men skulen vart fyrst ferdig i 1950.
Etter kvart vart det bygd eit tilbygg som inneheld eit praktisk lokale for eit aktivt grendelag. Ein del av sjølve skulebygnningen har ikkje funne sin framtidige bruk enno i 2011.
Kjelde
- Skulen i Fyresdal i 250 år 1739 – 1989. Fyresdal skulestyre 1989.
- Veum, Lars: Kilegrend. Grenda i sør. Kilegrend Grendelag 2011.
Kilegrends fyrste skulehus i Rønningen er bygd 1892. Nedlagd som skule 1915, flytta til garden Lomkilen og er i 2011 bustadshus der.
Kilegrend gamle skulehus var bygd 1915. Nedlagd som skule i 1945 då det brann. Det hadde to salar nede, ikkje innreidd 2.høgd. Berre ein sal bruka til skule.
Kilegrend skule med tilbygg. 1989?
