Kyrkjevegen (Bø i Telemark)
Kyrkjevegen i Bø i Midt-Telemark kommune går vest- og sørover frå Gullbringvegen i sentrum til Skyttarvegen ved Klokkarstugo.
Vegen har namn etter kyrkjene på Bøhaugen og er omlag 2 km lang. I starten av vegen ligg det einebustader, men etter kvart blir det meir jordbrukslandskap og vegen passerer fleire gardar. I 1988 blei det gjort eit offisielt namnevedtak, og «vegen Frøyatun–Veirud» fekk stadfesta namnet Kyrkjevegen.
I 1957–58 blei det anlagt veg frå Bøgata ved Frøyatun og opp til Grauteknapp til erstatning for den tidlegare bratte bakken opp frå Presteevju ved Frivoll (dagens gangveg mot Prestegarden). Året etter blei vegen vidare frå Grauteknapp forbi Lund og fram til kyrkjene utvida til fem meters breidde. Vegen Prestebrua–Grauteknapp blei vedtatt nedlagt frå 1960.
Fram til 1996 heitte det Kyrkjevegen heilt til Lundevegen. I samband med at Tandrevegen da fekk endra namn til Skyttarvegen og dei siste 200 m av Kyrkjevegen lagt til denne.
Frå sommaren 2016 til våren 2017 gjennomgjekk ein stor del av vegen fram til kyrkjene ei større oppgradering for å betre forholda for fotgjengarar.
Eigedomar i Kyrkjevegen
Nr. | Bilde | Om eigedomen |
---|---|---|
6 | Gnr. 55/40, «Helland» Eigedomen heitte Kyrkjekåsine, men fekk endra namnet til Midt-Bø ved frådeling i 1822. Garden fekk gnr. 55/2 i matrikkelen frå 1886. I 1880 kjøpte kjøpmann Godtfred Lund eigedomen og dreiv garden nokre år. I 1884 blei plassen Bøhegna, der Lund budde skild ut og fekk etter kvart bnr. 3. Ved skylddelingsforretning i 1899 heldt Lund att ein liten del av garden som i matrikkelen beheldt namnet Midt-Bø og bnr. 2. Det er denne saman med Bøhegna og bustadhuset der ein gjerne kallar «Lund» (Kyrkjevegen 25). Storparten av garden blei seld til felemakar Gunnar O. Helland. Garden fekk bnr. 11 og han gav den namnet Helland. Ved salet I 1939 er garden ført opp med 55 da jord. | |
7 | Gnr. 53/324. | |
9 | Gnr. 53/295. | |
10 | Gnr. 53/1/58, festetomt u. Prestegarden. | |
11 | Gnr. 53/231. | |
13 | Gnr. 53/244. | |
14 | Gnr. 53/1/76, festetomt u. Prestegarden. | |
15 | Gnr. 53/180. | |
16-28 | Gnr. 53/1/82, festetomt u. Prestegarden, «Grauteknapp». HVPU-bustader. | |
19 | Gnr. 53/232. | |
23 | Gnr. 53/236. | |
25 | Gnr. 55/2, Midt-Bø (Lund). Opphaveleg husmannsplass u. Kyrkjekåsine (seinare Helland gnr. 55/11). Her budde hardingfelespelaren og folkedansaren Kristiane Lund. | |
27 | Same eigedom som nr. 25. | |
62 | Gnr. 55/30, Bø kyrkjegard med dei to kyrkjene. Gamlekyrkja blei sett opp i siste havdel av 1100-talet. Den nye kyrkja blei sett opp fyrst på 1870-talet etter teikningar av arkitekt Jacob Wilhelm Nordan og innvigd i 1875. | |
63 | Gnr. 55/1, Bø (Midt-Bø). | |
75 | Gnr. 55/10, Bø. | |
78 | Gnr. 55/30 (Bø kyrkjegard). Driftsbygning for kyrkjegarden, bygd i 2020. | |
80 | Gnr. 56/1, Bø, Nytt bustadhus sett opp på 1980-talet 100 m nordvest for gardstunet. | |
82, 84 | Gnr. 56/1, Bø, Tunet på garden. Nr. 82 er framhuset og nr. 84 er eldhuset. Låven blei rive kring 2012. | |
129 | Gnr. 56/15, Rydvang. | |
131 | Gnr. 55/23, «Nykås». | |
133 | Gnr. 56/32, «Nyheim». | |
135 | Gnr. 55/12, Nistås. | |
137 | Gnr. 55/44, ubebygd tomt pr. 2020. | |
139 | Gnr. 56/18, «Silju». Hytte på Niståsberga. | |
150, 152 | Gnr. 56/4, Bø (Nerbø) Mathias Andreas Rye kjøpte garden i 1796. Folk kalla han «Majoren på Nerbø», og garden blei heitande «Majorbø». | |
159 | Gnr. 55/41. | |
161 | Gnr. 55/42. Ubebygd tomt pr. 2020. | |
163, 164 | Gnr. 55/4, Åsheim. Nytt framhus sett opp i 2016. | |
165 | Gnr. 55/47, Kåsa (utskild tun, tidl. gnr. 55/5). | |
167 | Gnr. 55/46. | |
169 | Gnr. 55/11, Smedstad. |
Kjelder
- Kartverket: norgeskart.no
- Henneseid, Stian: Bøsoga II, Gards- og ættesoga band I. Bø kommune 1982.
- Telemark Arbeiderblad, div. referater fra kommunstyremøter.