Lifjorden krins

Kartutsnitt frå Fylkesatlas

Foto: Sogn og Fjordane fylkeskommune/Fylkesmannen i Sogn og Fjordane

Lifjorden krins i Hyllestad kommune vart namnet på den nye krinsen når Hellem krins og Risnes krins vart slått saman i 1888. I 1861 dekka krinsen Risnes, Hovland, Lundeland, Lekva, Hovlandsvåg, Hellem, Rinde og Lireid. I 1974 vart Lifjorden slått saman med Hyllestad og Sørefjord.

Skulehus

Lifjorden skule

Skulehuset i Lifjorden ligg på Lundeland.

Skulevegen

På Lundeland låg Lifjorden skule omtrent midt i krinsen. Alle elevane gjekk eller sykla til skulen, der var ingen som budde så langt unna at det var naudsynt med skyss. Samanlikna med andre stadar i fylket var nok skulevegen for elevane i Lifjorden rimeleg grei. Dei aller fleste kunne stort sett gå langs fylkesvegen gjennom bygda, unntaket var nok elevane frå Hellemsvika. Dei måtte ta seg eit godt stykke gjennom ulendt utmark før dei kom til grusa og vedlikehalden veg. For elevar i Lifjorden var det ikkje snakk om å ta over vêrharde høgdedrag eller utsette seg for rasfare på skulevegen, og eg kan ikkje minnast at elevar var borte frå skulen på grunn av at skulevegen var uframkommeleg. Men, lat no det vere sagt, for ein sjuåring å ta seg fram frå ytterpunkta i krinsen (Risneshaugane og Lireid) kunne vere strevsamt nok.

Foto

• Skulejente på veg til skulen i Lifjorden, skulehuset i bakgrunnen. Fotograf: ukjend. Tilbydar: Magnus Lundeland/Fylkesarkivet i Sogn og Fjordane
• Ein skuleklasse i Lifjorden ca. 1925. Lærar var Bernt Risnes Han var lærar i krinsen i 40 år. Skulen var 2-delt med små- og storskule. Alle borna kom frå Lifjorden. Fotograf: Trine Risnes Tilbydar: Magnus Lundeland/Fylkesarkivet i Sogn og Fjordane
• Sykurs ved Lifjorden skule i 1940. Dei 19 jentene på sykurset oppstilte ute i snøen. Lærar er Solveig Kolgrov. Fotograf: Bjarne Råsberg. Tilbydar: Hyllestad kommune/Fylkesarkivet i Sogn og Fjordane

Kjelder og litteratur

Digitale kjelder

• Fylkesarkivet i Sogn og Fjordane sitt fotoarkiv.

Ikkje-prenta kjelder

Etternamn	Fornamn	Fødd	Skule	Tilsett år	Slutta år	Utdanning frå	Merknad
Risnes	Bernt		Lifjorden				Var lærar i 40 år
Kolgrov	Magnus		Lifjorden
Hovland	Maren Indrebø		Lifjorden
Lundeland	Bergljot		Lifjorden
Heistad	Bjørg Inger		Lifjorden
Risnes	Sverre		Lifjorden
Hansen	Bjarne		Lifjorden