Loveleen Rihel Brenna
Loveleen Rihel Brenna (fødd 6. oktober 1967 i India) er ein forfattar frå Agder. Faren hennes var sikh og mora var hindu. Ho kom til Kristiansand i 1972 saman med foreldra sine.
Loveleen Rihel Brenna er utdana i pedagogikk, psykologi og sosialpedagogikk med vidareutdaning i migrasjon og fleirkulturell forståing, og ho driv eit eige konsulentfirma for fleirkulturelle spørsmål. Ho driv òg foredrags- og kursverksamheit kring dette. Tidlegare har ho blant anna arbeidd ved innvandrarkontoret og barnevernstenesta i Kristiansand kommune og vore prosjektleiar for frukostseminar i samband med Groruddalssatsinga til Husbanken.
Loveleen Rihel Brenna har vore rådsmedlem i Verdikommisjonen, ho har fått Ole Vig-prisen for brubyggjarinnsats (1997), og i 2000 fikk ho Integreringsprisen for innsatsen sin for å skapa betre forhold for integrering.
Frå januar 2004 har Loveleen Rihel Brenna vore leiar for Foreldreutvalet for grunnskulen, først for perioden fram til 2007, og deretter attutnemnt for fire år til. Ho sitt òg i styret for Universitetet i Agder og Norges Røde Kors. Tidlegare har ho vore fagrådsmedlem i Norsk Filminstitutt og sete i styret for VOX-instituttet.
Bibliografi
Sakprosa
- 1997 – Mulighetenes barn : å vokse opp med to kulturer. (Oslo: Cappelen, 1997 – ISBN 82-02-16180-0)[1]
- 2001 – Djulaha! : om å forstå annerledeshet (Kristiansand: Høyskoleforlaget, 2001 – ISBN 82-7634-438-0)[2]
- 2004 – Sangam! : integrering og inkludering (Bergen: Fagbokforlaget, 2004 – ISBN 82-7674-937-2)[3]
- 2007 – Marasim (Kristiansand: Høyskoleforlaget, 2007 – ISBN 978-82-7634-630-5)[4]
- 2008 – Manzil : mangfoldig ledelse og utvikling (Oslo: Cappelen akademisk, 2008 – ISBN 978-82-04-13592-6)[5]
Kjelder
- «Loveleen Rihel Brenna» på Wikipedia på bokmål og riksmål, innhenta 4. januar 2010.
- Knut Olav Åmås [red.]: «Brenna, Loveleen» av Magne Lerø i Hvem er hvem? (Aschehoug, 2008).
Fotnotar
Lenkjer
- Nettstaden til Loveleen Rihel Brenna
- «‘Jeg tenkte aldri at jeg var noen hjelper’» av Rønnaug Jarlsbo på Dagbladet.no (29.03.2009)
|