Reed krins

Skoleplan for Breim Folkeskoler 1894. Eksemplaret til lærar Lars Reed

Foto: Foto: Nordfjord Folkemuseum

Reed krins i gamle Breim kommune var eigen krins frå 1860. Då rakk krinsen frå Kvile, Hetle og Seime i vest og omfatta alle gardar på begge sider av Storelva til og med Bø og Flølo og i øvrebygda til og med Skinlo. Reed var ein av to krinsar i Breim som hadde full lærarpost. I 1890 kom det ny krinsregulering men Reed heldt fram i same form. Frå 1895 gjekk elevane frå Sagefloten til Reed i staden for Høygardane (Dale) krins. Frå 1902 gjekk også elevane frå Flølo til Reed.

I 1949 vart Høygardane (Dale) krins slegen saman med Reed krins. I 1964 vart Årdal krins (Breim) lagt ned og elevane flytta til Reed krins.

2009 vart Reed krins slått saman med Byrkjelo krins og alle elevane går no (per 2016) på skulen på Byrkjelo.

Skulehus

Reed skule (1864–1896)

Reed gamle skulehus. Johannes Sageflåten sit framfor huset. Han budde her ei tid, fram til han døde. - Han dreiv med lækjeråder 'kvaksalveri'. Foto: Olav Kvaale - Nordfjord Folkemuseum / Fylkesarkivet i Vestland (1926).

• Byggeår: 1864
• Fungerte som skule: 1864–1896
• Anna bruksområde: Siste læraren som budde på skulen var Kristiane Glomnes. Siste tida budde Johannes B. Kvile (Sagefloten) i huset. Han livnærte seg som kvakksalvar. Kring 1940 vart skulehuset kjøpt av Øyvind Hetle. Han brukte tømmeret til å byggje seg eit bustadhus. Tomta vart solgt til Ingolf Bogstad og Breim samyrkelag.

Reed skule (1896–1957)

• Byggeår: 1896
• Fungerte som skule: 1896–1957
• Anna bruksområde: Bygget vart rive i 1981.

Reed skule (1957–2009)

• Byggeår: 1957
• Fungerte som skule: 1957–2009
• Anna bruksområde:

Lærarar

Etternamn	Fornamn	Fødd	Skule	Tilsett år	Slutta år	Utdanning frå	Merknad
Hole (Gåsemyr)	Rasmus		Reed	1831	1841		Omgangsskulen
Hauge	Gabriel Jørgenson		Reed	1842			Omgangsskulen
Teiten (Stensaker)	Anders Torbjørnson		Reed	1843			Omgangsskulen
Hole	Lars	1846	Reed	1846	1852		Omgangsskulen
Gåsemyr	Lars Rasmusson		Reed	1853	1891		Omgangsskulen
Reed	Gabriel		Reed	1891
Eldvik	Alida		Reed	1892
Johansen	Anna		Reed	1894
Glomnes	Kristianne		Reed	1895	1935
Årdal	Jonas		Reed	1925	1950	Concordia College Morehead 1905-11, St. Olav College Northfield 1911-12, Dakota University 1914-115, Volda lærarskule1925	Var lærar ved Volda millomskule 1919-22 og Firda Gymnas 1924-25. Klokkar i Breim samtidig som han var lærar i Reed krins.
Gåsemyr	Karoline Skram		Reed
Myklebust	Kristi		Reed	1942	1945
Myklebust	Synnøve		Reed	1945	1983
Henden	Jostein		Reed	1950	1951
Almenning	Styrkår	1918	Reed	1951	1984		Skulestyrar/rektor frå 1965
Hunskår	Nikoline		Reed	1948

Kjelder og litteratur

Prenta kjelder

• Sandal, Per (1978) Soga om Gloppen og Breim, band 1. Sandane.
• Sandal, Per (1979) Soga om Gloppen og Breim, band 2. Sandane.
• Breim kyrkje 100 år 9. juli 1986. Utg. Soknerådet. no#. 1986. Digital versjon på Nettbiblioteket.
• "Reed skule 50 år" i Ljøren. 2007. Digital versjon på Nettbiblioteket.
• Femårsmeldingar om folkeskulen 1891-1895, 1896-1900 og 1901-1905
• Skriftnemnda (1989) Skulane i Breim 1739-1989.