Straumgjerde Vel

Straumgjerde Vel i vart skipa i 1948 for å få gjennomført fellestiltak i Straumgjerdekrinsen i Sykkylven. Mellom prosjekta som foreininga har fått til, er grøntanlegg på Bergane, nord for elva Straumen. Velforeininga har også arbeidd med andre delar av elvemiljøet, og var i 1997 involvert i tilplanting av grøntområdet ved badelaguna og i vegkrysset ved daglegvareforretninga i Straumgjerde. Straumgjerde Vel har også prøvd seg som politisk pressorgan og arbeidde lenge for å få lagt eit legekontor til Straumgjerde. Ein nådde ikkje fram med dette ønsket, og måtte i staden nøye seg med ein apotekfilial som vart lagt ned i 1998. Det tiltaket velforeininga har arbeidd lengst med, er dei årlege opprydningsaksjonane i månadsskifet april/mai.

Kring 2008 tok nokre ungdomar eit initiativ for å blåse nytt liv i organisasjonen etter at han ein tid hadde lege nede. Straumgjerde Vel stod nokre år framover som tilskipar av Straumgjerdedagen med moro i laguna ved elva som høgdepunktet.

Kjelder og litteratur

• Varamannen (Meldingsblad til UL Samhald) jula 1998.