Tomas Tandstad: Forskjell mellom sideversjoner

<onlyinclude>{{thumb høyre|Tomas Tandstad.jpg|Tomas Tandstad i 2008.|Eldar Tandstad}}

'''[[Tomas Tandstad]]''' (fødd i 1912 i [[Straumgjerde]], der han seinare har budd) har arbeidd som møbelarbeidar og småbrukar, og er ein av [[Sykkylven]] sine fremste tradisjonsberarar.

Han måtte tidleg ta eit tak på garden heime på [[Tandstad]], då faren, Petter, var sterkt redusert fysisk etter ein skade han fekk på [[Polson-campane]] i USA. Tomas var også med på forskjellig dagarbeid for andre, han var handlangar ved murarbeid og han var med på fiske i [[Borgundfjorden]] i to vintrar. </onlyinclude>

<onlyinclude>Hausten 1930 byrja han ved [[AS Sykkylven kurvvarefabrikk]] som kom i gang året før. Dei første tre månadane var introduksjonstid og då måtte han arbeide gratis. I 1930 hadde verksemda nettopp byrja å tilverke overstoppa stolar. Tomas si oppgåve var å stoppe korgstolsete. Dei la stoppinga oppå ei finerplate. Ikkje lenge etterpå gjekk bedrifta over til å lage overstoppa og polerte lenestolar.</onlyinclude>

Tomas Tandstad var med på mykje av det som skjedde i det friviljuge lagsarbeidet i heimkrinsen, mellom anna engasjerte han seg i [[Ungdomslaget Samhald]] som fekk sitt lagshus same året som Tomas vart fødd. Han var elles ein ihuga idretts- og friluftsmann. I ei årrekkje var han aktiv i [[Ringen Idrottslag]] med friidrett om somrane og skisport om vintrane. Tomas Tandstad har vore velsigna med ei sterk helse og han har halde seg fysisk aktiv opp i høg alder. Åtti år gammal var han til topps på [[Pyttegga]], 92 år gammal debuterte han i det 4 kilometer lange [[Konradløpet]] og 98 år gammal, i 2010, var han med i [[Ramstaddalsløpet]], ein stafett Sykkylven rundt. Same året var han omtala i media då han investerte i ein lite brukt Subaru med firehjulstrekk. "Eg måtte ha firehjulstrekk, for eg er så mykje oppe på hytta i [[Straumsdalen]]," forklarte han. Han hadde elles dagleg turar med bil til [[Sykkylven bu- og aktivitetssenter]] for å besøke kona, Ingrid, som han gifta seg med i 1945. Då han runda 100-årsmilepælen i september 2012 var han enno rask og rørig og Sykkylven sin eldste sjåfør.

Tomas Tandstad har hatt eit uvanleg godt minne og han er kjent som ein framifrå historieforteljar. Han vert gjerne samlingspunktet i godt lag, mange vil ha del i dei store kunnskapane hans om lokale tilhøve, og ikkje minst det gode humøret og den smittande latteren hans.  

Tomas Tandstad er æresmedlem av UL Samhald. I samband med at han vart 100 år, vart det gjeve ut bok om han. Boka var ført i pennen av nevøen [[Per Svein Tandstad]].

*[[Bruker:Eldar Høidal|Høidal, Eldar]]: [http://www.nb.no/utlevering/contentview.jsf?urn=URN:NBN:no-nb_digibok_2007081004004 ''Industrisoge for Sykkylven'', Sykkylven 1990.]

 

[[Kategori:Personer fra Sykkylven kommune]]

[[Kategori:Møbelindustrien på Sunnmøre]]